Third
Day Novena in honor of the Santo Niño de Cebu
1 Jn 5: 14 – 21 / Ps 149 / Jn 3: 22 – 30
January 9, 2016, 7:00PM Mass
Unsa
may inyong buhaton kon kamo makadawat og usa ka bililhong gasa? Dihay tulo ka
managsuon nga nagkasinabot nga mohatag sila og mga regalo sa ilang inahan nga
mag 90th birthday. Mao nga sa adlaw sa dili pa ang birthday sa ilang
inahan, ila na kining gihatod ang ilang mga gasa. Ang eldest mihatod og usa ka
yawe sa house and lot. Ang tunga tunga mihatod og usa ka yawe sa brand new car.
Ang youngest kay siya man lagi nagtubo uban sa iyang mama nagpalit og usa ka
manok. Ang manok bililhon tungod kay kini naka-memorize sa tanang pag-ampo sa
Katoliko. Mao nga para niya gamit kaayo ang manok sa iyang mama matag bisita
niini sa Simbahan. Kon makalimot ang iyang mama sa pag-ampo ang manok ra mismo
ang mosumpay niini. Pila’y estorya, nagkatigom dayon sila sa sunod adlaw aron
sa pagsaulog sa 90th birthday sa ilang mama. Samtang nangaon sila,
nangutana ang eldest, “Ma, kumusta man ang akong regalo kanimo?” Ug mitubag ang
inahan, “ Salamat, Dong. Apan ako lang kini ihatag nimo ang house and lot kay
kaslonon ra ba ikaw karong tuiga.” Ug nasubo ang eldest. Nangumusta dayon ang
ikaduha sa iyang regalo. Ug mitubag ang inahan, “ Salamat dong, apan malipayon
naman ko sa atong sakyanan. Mao nga akong gibaligya ang imong gihatag ug ang
halin akong ipamisa sa Basilica.” Ug nasubo ang ikaduhang anak. Busa,
nagpanikad ang kinamanghuran. “Unya Ma, kumusta akong regalo?” Ug nalipay ang
iyang inahan. Giingnan siya, “Salamat Dong! Lipay kaayo ko sa imong regalo! Kay
ang manok nga atong gikaon karon mao ni siya imong gihatag gahapon! Lami kaayo!
Sarap to the bones!” Ug nakuyapan ang kinamanghuran. Unsa may inyong buhaton
kon kamo makadawat og us aka bililhong gasa?
Mga
igsoon ko diha ni Kristo. Kon atong balikon ang kasaysayan sa imahen sa atong
mahal nga Senor Santo Nino, atong mahinumduman, nga ang maong imahen, usa ka
bililhong gasa ni Padre Pedro Valderama, ngadto ni Rayna Juana, sa dihang siya
gibunyagan.
Apan
kon ato pa gayud ipadayon ang kasaysayan sa mahal nga Senyor, atong masayran
nga hangtod karon ang Santo Niño, nagpabilin nga usa ka bililhong gasa alang
kanato tungod kay siya man, matod pa sa atong tema karong tuiga, mao ang WELLSPRING OF
MERCY AND COMPASSION. Siya man ang tinubdan sa kaluoy ug kaaghop. Siya man ang
“face of mercy!”
Ug ang
maong kamatuoran: SANTO NINO: WELLSPRING OF MERCY AND COMPASSION, gipaklaro sa
atong mga pagbasa karon. Diha sa first reading, giklaro ni Juan nga ang Ginoo
mao gayud ang wellspring of mercy and compassion tungod kay “if we ask anything
according to his will, he hears us.” Ug gidawat usab ni Juan Magubunyag diha sa
atong Ebanghelyo karon nga siya dili mao ang Mesiyas, dili mao ang wellspring
of mercy and compassion. Mao nga “I must decrease, he must increase.”
Kay
lagi ang Santo Niño usa ka bililhong gasa man tungod sa iyang pagka wellspring
of mercy and compassion, nan, kinahanglan diay natong ipakabili ang atong
pagdebosyon sa mahal nga Senyor! Sa unsang paagi?
Kinsa
may mga ginikanan dinhi, pataas daw sa kamot? Pagbantay lang mo dili mo
makuotan dinha ha! Sayud gyud ko nga usa ka dakong gasa sa inyong kinabuhi dili
ang inyong mga bana. Kay karon kining mga bana ninyo dagko nag tiyan sama sa
pari nga nagwali karon. Dili pud ang inyong mga asawa kay saba-an na kaayo
sila. Para ninyo mga ginikanan, ang inyong mga anak, mao gayud ang dakong gasa
sa inyong kinabuhi, amen? Mao nga pangandoy gyud ninyo nga makalampus sila sa
pag-eskwela, amen? Diha bitaw toy usa ka anak miuli siya sa ila ug namalita sa
iyang mama. “Ma, naa koy good news nimo nga buy 1 take 1!” “Unsa man, dong?”
“Buy 1, ma, kay karong Marso mo graduate nako, Summa Cum Laude!” “Unya ang take
1, Dong?” “Karong Marso sad, Ma, mahimo nakang, Lola! Naana kay apo, kaluha pa
gyud!” Damgo ninyo mga ginikanan nga adunay nindot nga kaugmaon ang inyong mga
anak.
Mao
usab kini ang paagi aron atong mapakabili ang Senyor Santo Nino. Nga unta
maanindot ang atong kaugmaon pinaagi sa pagkahisama kaniya. Nga unta maliwat kita
sa Senyor! Nga mahimo usab kita nga mga WELLSPRING OF MERCY AND COMPASSION!
Diha sa
pamilya…Mamahimo unta ang pamilya isip usa ka lugar sa mercy and compassion.
Matod pa ni Pope Francis, “It’s okay to argue in the family. If plates fly,
then let them fly. But end the day being at peace with one another.” Kung inato
pani… Hala, paglalis mo diha tibuok adlaw, basta, inig kagabii, pagdulog
gihapon mo! At the end of the day, families must practice peace, forgiveness,
understanding, and respect.
Diha sa
trabaho…Mamahimo unta kitang mga wellspring of mercy and compassion diha sa
atong mga opisina ug trabahoan. Dili gyud malalis nato nga naa kitay mga kauban
o mga boss nga bati na gani og nawong, bati pa gyud kaayo og batasan. Dili ba?
Hala, ato ni silang pakpakan! Kay kini sila ang mga “Ms. Germany” sa atong
kinabuhi! Hinaut unta we become merciful and compassionate towards these kind
of people. Kung singhagan ka, ayaw pud singhagi! Kay puros mo anang mga walay
buot! Let us be merciful and more understanding towards these people. Ato
nalang sabton kay basta bati gyud kag nawong, bati gyud na!
Kamong
mga batan-on ug mga estudyante…Ilabi na kamong naa dinha sa City Hall side,
naas kadalanan, ug naas mga suok kay nag date date samtang nagwali ko…tiwasa
nana kay hapit nako mahumans wali… Please…Please… I beg you… be wellsprings of
mercy and compassion! How? Tiwasa intawn na inyong pag eskwela! Ayaw unta tiwasi
ang inyong mga ginikanan nga singot ug dugo gipa-agas aron kamo mabuhi! Hunonga
na ng sige’g selfie selfie kundili focus on yourself so that you will really
make your dream come true! Ato pa gyud nga pun-an puslan man kamo ang
pinakadaghan karon. Please… paminaw intawn kamo sa inyong mga ginikanan! Bahala’g
dili mo ganahan nila because they are God’s gifts for you! Ayaw mo sige’g
paminaw anang inyong mga barkada nga walay klaro o sa inyong mga uyab nga walay
ayo! Kay na, ma “Colombia – zoned” gyud mo! Hatag bawi ba nga kalipay! Paasa
ba!
Mga
igsoon ko diha ni Kristo, sa atong pagpadayon pagtagamtam sa bililhong gasa sa
Santo Niño, atong hinumduman nga dakong INSULTO sa maong gasa kung…
Sige tag
bato balani, apan sige usab kita pamato sa kinabuh sa uban!
Sige
tag kantag kanamo maluoy ka unta, apan mas yabag pa ang atong batasan kaysa
atong tingog!
Sige
tag luhod luhod, hilak hilak atubangan sa Senyor, apan sige kitag pahilak sa
uban kay ato silang gipasaligan nga naay forever, apan, #walangforever diay!
Sige
tag sayaw sayaw, prititit! Prititit! Apan sayaw-wa diay ang atong kinabuhi!
Mga
igsoon, ato lamang mapakabili ang gasa sa Santo Niño, kung kita maliwat niya;
kung kita mamahimo usab nga wellspring of mercy and compassion!
Dihay
Obispo nga nangumusta sa us aka lay minister sa parokya. Iyang gipagumusta ang
maong alagad. Busa mitubag ang lay minister, “Matag Dominggo, Bishop, ako
maonhi sa parokya aron mosimba unya mokuha usab og Eukaristiya para akong
madala sa bukid. Round trip nako nga biyahe maabot og sobra 60 kilometros.” Ug
nangutana ang Obispo, “Unya Brod., pila may plite nimos habal habal matag anhi
nimo sa parokya?” Ug ang lay man mapaubsanon nga mitubag, “ Kung plite ang
atong hisgotan, Bishop, nan, dili gyud ko maka anhi dinhi. Busa, maglakaw ako
matag Dominggo.”
Mga
igsoon, ang lay man usa ka buhing tinubdan sa kaluoy ug kaaghop ngadto sa uban.
How about us? Kita? Kamo? Ikaw? Nahimo ka na ba nga us aka WELLSPRING OF MERCY
AND COMPASSION ngadto sa uban? Amen!
Pit
Senyor!
No comments:
Post a Comment